Ислам ынтымақтастығы ұйымының (ИЫҰ) бас хатшысы Ияд Мадани Құдысты 2015 жылы, ал Түркиядағы Кония қаласын 2016 жылы мұсылман туризімінің астанасы деп жариялады. Үстіміздегі жылдың қараша айының 27-і күні Ыстамбұл шаһарында өткен ИЫҰ-ның сауда-экономикалық ынтымақтастығы жөніндегі тұрақты комитетінің жиынында сөз алған бас хатшы осы жылдың маусым айында Жакарт қаласында өткен туризм министрлерінің ислам конференциясының төрағасы жетекшілік еткен үйлестіру кеңесінде осындай шешім қабылданғанын еске салып өтті. ИЫҰ-ға мүше мемлекеттердің бірауыздан қолдау білдіргенін де жария етті.