Дағыстанның Хунзак ауданында арнайы намаз оқитын бөлмелері бар аялдамалар салуды қолға алып отыр. Көне замандағы күзет мұнарасы негізінде салынған аялдамаларда енді үш адам емін-еркін құлшылығын жасайтын болады.

Қазіргі кезде жоба бойынша дайындалған алғашқы аялдама пайдалануға беріліп те қойған. Екінші аялдама құрылысы lf әне-міне бітуге таяу тұр дейді.

«Мұндай аялдамаларда көлік күтіп, уақытыңызды босқа өткізбейсіз. Құлшылық жасап, сауапқа кенелуге керемет мүмкіндік», – дейді аудан басшысы Шамиль Аммаев.

Оның айтуынша, аудан бойынша жалпы саны 10 аялдама тұрғызу жоспарланған. Дегенмен, намазхана-аялдамалар халық көңілінен шығып, одан да көбірек орнатуға тырысамыз дейді аудан басшысы.