«Нұр Отан» партиясы сыбайлас жемқорлыққа қарсы күресті күшейту мақсатында 2015-2025 жылдарға арналған бағдарлама қабылдады. Бұл бағытта аталмыш партия мемлекеттік мекемелер мен ұйымдарға және корпаритивтік бизнеске қадағалауды күшейтеді. Бұған қоса, көлеңкелі бизнеске тосқауыл қою үшін ұлттық кәсіпкерлер палатасы арқылы бизнес қауымдастығымен ұдайы байланыста болып, әкімшілік қысымды азайту бағытында қоғамдық бақылауды қолға алады. «Нұр Отан» партиясы төрағасының орынбасары Бауыржан Байбектің сөзіне қарағанда, сыбайлас жемқорлыққа тойтарыс беруге қатысты барлық ұсыныс ескерілетін болады.