Барлығы алты мыңнан аса аралас неке тіркелген. Әділет министрлігі Қазақстан азаматтары мен шетелдіктер арасындағы аралас неке туралы статистикалық мәлімет келтірді. Аталмыш министрліктің дерегіне қарағанда, 2016 жылы 6 687 аралас неке қиылған екен. Олардың 127-і Қазақстан мен Қытай азаматтарының арасындағы неке. Тарқатып айтқанда, 61 қытай еркегі әйелдікке қазақстандықты алған болса, 66 қытай әйелі қазақстандыққа тұрмысқа шыққан. "Бұл ер-азаматтардың көбісі қытай тілінен өзге ағылшын және орыс тілдеріне жүйрік. Олар бизнесмендер, магистратурадан үш дипломы бар адамдар",- деді отбасы неке агенттігінің директоры Татьяна Логвиненко.