АТЫРАУДА БІРҚАТАР ТАМАҚТАНУ ОРЫНДАРЫНА «ХАЛАЛ ДАМУ» КУӘЛІГІ ТАБЫСТАЛДЫ
Атырау облысының бас имамы Болатбек Ұласқанұлы бірқатар қоғамдық тамақтану орындарына ҚМДБ «Халал Даму» куәліктерін табыстады.
Атап айтқанда, “Cakes&Bakes” тамақтану орнына, “Salam Bro Fast Food” желісінің екі дүкеніне және “Yaçar Usta Et” ет дүкеніне халал стандартына сай келетін арнайы куәліктер берілді.
Куәлік табыстау барысында бас имам халал талаптарын сақтау – мұсылман тұтынушылар үшін аса маңызды екенін атап өтті. Сондай-ақ адал ас ұсыну, тағамның дайындалу процесінде тазалық пен шариғат талаптарын сақтау кәсіпкерлер үшін үлкен жауапкершілік екенін жеткізді.
Өз кезегінде кәсіпкерлер де халал талаптарын сақтай отырып, халыққа сапалы әрі адал өнім ұсынуға дайын екендерін айтты.
Айта кетейік, ҚМДБ «Халал Даму» куәлігі тағам өнімдерінің дайындалуы мен сатылуы ислам талаптарына толық сәйкес келетінін растайды
Атырау облысының бас имамы Болатбек Ұласқанұлы бірқатар қоғамдық тамақтану орындарына «Халал Даму» куәлігін табыстады.
Атап айтқанда, «Granat» қоғамдық тамақтану орнына жаңа халал куәлік берілді. Сонымен қатар «Шах Et» ет дүкені халал талаптарына сай қызметін жалғастырып, куәлік жаңартты.
Куәлік табыстау барысында бас имам халал өнім ұсыну – тұтынушылар сенімін арттырып қана қоймай, адал кәсіп жүргізудің маңызды қағидаларының бірі екенін атап өтті. Сондай-ақ кәсіпкерлерді шариғат талаптарына сай қызмет көрсетуге шақырып, адалдық пен жауапкершіліктің маңыздылығына тоқталды.
Айта кетейік, «Халал Даму» куәлігі тағам өнімдерінің дайындалуы мен сатылуы шариғат талаптарына сай жүргізілетінін растайды.
ҚОСТАНАЙДА «4 SEZONA» ДӘМХАНАСЫНА «ХАЛАЛ ДАМУ» КУӘЛІГІ ТАБЫСТАЛДЫ
Қостанай қаласында орналасқан «4 Sezona» донер-бургер дәмханасына «Халал Даму» куәлігі табысталды. Куәлікті облыстың Бас имамы Бектұрсын қажы Торғайбайұлы арнайы, кәсіп иелеріне табыс етті.
Аталған дәмхана «Халал Даму» стандарты талаптарына сәйкес тексерістен өтіп, халал талаптарының сақталуы бойынша оң қорытынды алды. Тексеру барысында өнімдердің құрамы, дайындалу процесі, шикізаттың халалдығы және асхананың санитарлық жағдайы толықтай қарастырылды.
Куәлік табыстау барысында Бас имам адал өнім ұсынудың маңыздылығына тоқталып, кәсіп иелеріне жұмыстарына береке тіледі. Сонымен қатар, халыққа сапалы әрі халал тағам ұсыну – қоғам үшін маңызды екендігін атап өтті.
