Халал сертификатына ие болған кәсіпорындар

АЛМАТЫ ҚАЛАСЫНДА КӘСІПОРЫНДАРҒА ХАЛАЛ КУӘЛІГІ ТАБЫСТАЛДЫ

Алматы қаласында бірқатар кәсіпорындарға «QMDB HALAL» куәлігі табысталды.

Атап айтқанда, ЖК «Жумадилова», ЖК «Жаксылык», ЖШС «Көктем Снаб» және ЖШС «Tengri Milk» кәсіпорындары халал стандарты талаптарына сәйкестік негізінде арнайы сертификатқа ие болды.

Куәлік табыстау барысында кәсіпорын өкілдеріне халал өндіріс талаптарын тұрақты сақтау мен тұтынушылар сенімін арттырудың маңыздылығы түсіндірілді.

ТҮРКІСТАН ОБЛЫСЫНДАҒЫ ҰН ӨНДІРІСІ «QMDB HALAL» КУӘЛІГІН АЛДЫ

Түркістан облысы, Сайрам ауданы, Ақсу елді мекенінде орналасқан «АСЫЛ ЛТД» ЖШС ұн өндірісі «QMDB HALAL» халал куәлігіне ие болды.

Кәсіпорынның өндіріс үдерістері мен өнімдерінің халал талаптарына сәйкестігі тексеріліп, нәтижесінде арнайы халал куәлігі табысталды.