Қызды болғанына қуанып, жылап отырған қазақ жігітінің видеосы көпшіліктің сүйіспеншілігіне бөленді. Бұл жайында nur.kz ақпарат көзі хабар таратты.

Жақында Instagram әлеуметтік желісінде қызы туылғанына қуанғаннан көзіне жас алған қазақ азаматының видеосы жүктелді.

Қасындағы досының “Айманға хабарлас” деуіне қарағанда, ер кісінің босанған әйелінің есімі Айман болуы керек.

“Оның қоңырауға жауап беруге шамасы да жоқ шығар” деген азамат әкесіне сүйінші сұрап хабарласып жатыр.

Видеоны көргендердің дені қызы туылғанына қатты толқыған ер кісіге жылы лебіздері мен тілектерін жаудыруда.