Халықаралық футбол федерациясының президенті Жанни Инфантино Катарда өткен әлем чемпионаты ұйымдастыру  жағынан әлем чемпионаттары тарихындағы ең үздігі болғанын мәлімдеді. Бұл жайында islam.kz порталы Marca ақпарат көзіне сілтеме жасай отырып мәлім етеді. Бұған дәлел ретінде ол матчқа келген көрермендер санының көптігін алға тартты. Бұрынғы әлем чемпионаттарынан айрықшалайтын осы ерекшелігін алдымен ауызға алды. «ФИФА-ның Катарда өткен әлем чемпионатынан түскен табысы 7,5 миллиард долларды құрайды. Бұл төрт жыл бұрынғы көрсеткіштен бір миллиардқа көп. Турнирдің матчтарын 3,27 миллион көрермен тамашалады», деді ол. Осылай деген ол 2026 жылы өтуі тиіс келесі футболдан әлем чемпионатына 48 команда қатысатынын мәлімдеді.