Уағалейкумуссәләм уә рахматуллаһи уә бәракәтуһ! 

Өсектеп, ғайбаттаудың кешірімі – ғайбаттаған адамы үшін Алладан жарылқау мен кешірім тілеу дейді сахаба Әнәс ибн Мәлік (р.а.). Аятта: «Шынында жақсылықтар жамандықтарды кетіреді» делінген. ("Һүд" сүресі, 114 аят).

Ал өзінен барып кешірім сұрау мәселесіне келсек, көпшілік ғалымдар: «оған айтпай-ақ сырттай тілеуін тілеп, оған жақсылықпен дұға жасап тұру жеткілікті, оның алдындағы өсектеу күнәсі жуылады» дейді. 

Риуаяттарда Абдулла ибн Мүбәрактың мынадай сөзі келтірілген: «Егер бір адам, басқа бір адамды ғайбаттаған болса, ол жайында оған айтпасын. Бірақ ол үшін Алладан жарылқау тілесін».

Әлхамдулилләһи Раббиль аләмин!