Уағалейкумәссәләм уә рахматуллаһи уә бәракәтуһ!

Сақалға май жағу мәселесіне қатысты ескі Ханафи фиқһ кітаптарында мынадай сөйлемдерді кездестіруге болады:

«Мұртты майлау - ұнамды әрекет, егер онысы зейнет (сəн) үшін болмаса. Өйткені, майлау да боянудың қызметін атқарады (ал, зейнет және боянып-сыбану әйелдерге тән. ауд.). Сондай-ақ, майды сүннетке сай көлемге жетіп тұрған, яғни, бір тұтам сақалды ұзарту үшін жақпайды...». [әл-Марғинани: әл-Һидая. "Китабус сиям"].

Аталмыш мәтінге зер салып қарасақ, «бір тұтамға жетпейтін сақалды ұзарту үшін май жағуға рұқсат» дегенді ұғынуға болады.  

Сондықтан да, қысқа сақалды сүннетке сай ұзарту үшін немесе сирек өсетін сақалды қалыңдату үшін қазіргі таңдағы шаш-сақал өсіруге арналған кремді пайдаланудың ағаттығы жоқ деуге негіз бар. Тек, денсаулыққа кері әсерін тигізбейтініне аса маңыз аударылуы керек.