Сәлеметсіз бе! Құран Кәрімде әйелдердің мәһрі (неке сый) жайында айта келе былай делінеді:

«Егер, әйелдер өз еріктерімен сендерге одан бір нәрсе берген болса, онда оны жеңдер. Жұғымды, сіңімді болсын»[1].

Әйелі жұмыс істеп, тапқан табысын күйеуіне беруге міндетті емес. Ақшасын отбасына жұмсаймын десе де, өзіне қарыштаймын десе де өз еркі.

Біздің қоғамда ерлі-зайыптылар өздерінің тапқан табыстарын ортақ пайдалану үрдісі қалыптасқан. Олай да болады. Мұның күнәсі жоқ. Қайта сауабы бар. Дегенмен, отбасын асырау отағасына жүктелгендіктен, отанасының тапқан табысына рұқсатсыз қол сұғуына қақы жоқ. Өз ризалығымен беріп жатса, ол басқа.