Әссәләмуғалейкум! Тағы сұрайын дегенім: үйде мәсіге мәсих тартып жүріп, сапарға шығып кетсем қалай болады? Үш тәулік тартып жүрем бе, әлде, үйдегі бір күн есептеле ме? Жандос Құдайбергенов
|
Үйде мәсіге мәсих тартып жүріп, сапарға шығып кетсем, мәсінің уақыты үш күн бола ма, бір күн бола ма?
|
Уағалейкум әссәләм уә рахматуллаһи уә бәракәтуһ!
Жолаушы емес әлдекім мәсіге мәсих тартып, бір тәулік өтпей сапарға шығып кетсе, киген мәсісінің уақыты бір тәулік емес, үш тәулік болады[1]. Сахих хадисте Пайғамбарымыз (с.а.у.): «Жолаушы кісі мәсіге үш күн, үш түн мәсих тартады»[2], - деген.
Еске сала кетелік: Мәсінің уақыты - дәрет алып кигеннен кейін, сол дәреттің бұзылған сәтінен басталады. Мысалы, таң намаздағы дәретте аяқ жуып, мәсі киген кісінің осы дәреті күн шыққаннан кейін бұзылған болса, мәсінің уақыты сол сәттен басталады, таң намазындағы дәреттен емес.
[1] Әш-Шүрунбуләли: Нуруль Изах
[2] Сахих Мүслім – №276 хадис.
Көп оқылғандар
■
Дәрет бұзыла ма?
■
Бейсенбі, жұма күндері шаш алуға болмайды деген ырым бар екен. Қаншалықты рас?
■
Дүниеден өткен діні бөтен танысың үшін дұға жасауға бола ма?
■
Мәйіт жатқан бөлмеге адам жата берсе бола ма?
■
Зекеттің нисабына бір жыл толса, бірден беру керек пе, әлде кешіктіріп Рамазанда берсе бола ма?
