Бисмилләһир рахманир рахим

Құрметті сауал жолдаушы!

Дүниеге шыр етіп дауыс шығарып келген сәби көп ұзамай шетінеген жағдайда, жуылып, кебінделіп, жаназа намазы оқылады. Үлкен адамдарша жер қойнауына тапсырылады.

Қанша кебінге оралалы?

Ғұламаларымыздың пайымдауынша, сөйлемейтін және әлі ақыл-есі кірмеген шағында шетінеген сәбидің кефені (кебіні) екі кефеннен тұрады:

• Изар. (басынан аяғына дейін орайтын мата).

• Ридә’ немесе лифәфә. (бас жағынан және аяқ жағынан буылады, изардан ұзын болып келеді).

Тек «изардың» өзіне ораса да жеткілікті делінген¹.

Ал кім жуады дегенге келсек?

Ұл баланы әйел кісілер жуа алады, мысалы, анасы т.б. Сәбидің тірі кезінде ғаурат жерлерін жабу шарт емес, сондықтан да жуғанда ғаурат жерлеріне қараудың күнәсі жоқ².

Кебінделіп болғаннан кейін жаназа намазы оқылып, арнайы қазылып әзірленген қабіріне қойылады.