Әлхамдулилләһ. Уассаләту уәссәләму аля Расулилләһ.

Уағалейкумуссәләм уә рахматуллаһи уә бәракәтуһ!

Есінеген кезде есінеудің табиғи дыбысы еріксіз әрі бәсен шықса, оған намаз бұзылмайды, ал «һәәһ» деп дауыс шығарса, намаз бұзылады¹.

Намазда есінеу келсе не істеу керек?

Алдымен есінеуді болдырмауға тырысып баққаны жөн. Егер, есінеуді басуға мүмкін болмаса, қолымен аузын жабады. Риуаяттарға қарағанда, Алла елшісі (с.а.у.) намазда ерікті түрде есінеуді тыйған, егер есінеуі келсе, мүмкіндігінше басатын, болмаса қолымен аузын жабатын². Қиямда тұрғанда оң қолымен, ал одан өзге жағдайда сол қолымен аузын жабады.

¹Абдуррахман әл-Жәзири: «әл-Фиқһу ъаляль мәзәһибиль әрбаъати».
²Имам Мәусули: «Ихтияр».