Уағалейкумуссәләм уә рахматуллаһи уә бәракәтуһ!

Сіздің жағдайды екі бөліп қарау керек:

• Біріншісі, егер ораза ұстайтындарыңызды ұмытып кеткен болсаңыздар, оған кешірім бар, оразаларыңыз дұрыс, қазасын да өтеудің қажеті жоқ, өйткені бұл да оразада ұмытып ішкенге жатады, бастысы еске түскен заматта ішуді тоқтату керек.
• Екіншісі, егер ораза ұстайтындарыңызды біліп тұрсаңыздар, алайда «әлі уақыт бар екен» деп кешігіп қалсаңыздар, мұны қателікке балауға болады, сол күнгі оразаны соңына дейін ұстауларыңыз керек. Рамазаннан соң бір күн қазасын өтеп аласыздар, әдейі істелмегендіктен «кәффарат» керек емес.

Ең дұрысы - Аллаға мәлім!