Ассаламуалейкум! Мен өзім сауда жасаймын, үй жайым бар Аллаға шүкір, саудамдағы айналымдағы ақшам бес миллион шамасында. Қарындасым мен күйеу балам екеуі де жұмыс істейді, бырақ баспаналары жоқ. Үй алсақ деп ақша жинап жатқан көрінеді. Енді сұрақ, мен сол күйеу балама зекет берсем болама? Табыстары ішіп жеулеріне жеткенімен баспана алуға жетпейді.
|
Зекет ақшамды күйеубалама берсем бола ма?
|
Уағалейкумуссәләм уә рахматуллаһи уә бәракәтуһ!
Егер күйеу балаңыз кедейлер санатынан болса (сауалыңызға қарағанда сондай сияқты), оған зекет ақшаңызды беруіңізге болады. Бастысы – зекет ақшасын берер кезде «зекет» ниетімен беру керек, өйткені зекетте ниет маңызды, ал оның зекет ақшасы екендігін алушыға айту шарт емес.
Күйеубалаға зекет беруге болады дегенге кітаптарда мынадай үкім айтылады:
«Зекетті – әкесінің әйеліне және баласының әйеліне, сондай-ақ, қызының күйеуіне (егер олар кедейлер санатында болса) беруге болады»[1].
Алла қабыл етсін!
[1] Ибн Ғабидин: Роддуль Мұхтәр. 3\293.
Өзекті сұрақтар
Көп оқылғандар
■
Әйелдің өз күйеуінің тегін (фамилиясын) алуы күпірлік дегенді оқыдым, ол қаншалықты рас?
■
Намаз бастау тәкбірінде «Аллаһу әкбар» дегеннің орнына, басқа сөз қолданса бола ма?
■
Мұсылман емес елдерде шарап сынды харам заттарды сатуға болады деген пәтуа бар ма?
■
Бір адамды өсектесе, одан кешірім сұрау керек пе?
