Уағалейкумуссәләм уә рахматуллаһи уә бәракәтуһ!

Егер, берген қарызыңызды жаман нәрсеге жұмсайтынын біліп тұрсаңыз, онда қарызға болса да ақша бермеген абзал. Өйткені, бұл да күнәға жәрдемдесу болмақ. Құранда: "Күнә мен дұшпандықта бір-бірлеріңе көмектеспеңдер" деген. ("Мәида" сүресі, 2 аят). Ал жаман нәрсеге жұмсайтынын білмесеңіз яки адал нәрсе алады деген ойыңыз басым болса, берсеңіз болады. Өйткені, мұқтаж адамға көмек беру үлкен сауап. Қарызға ақша беру де көмектің бір түрі. Құранның аталмыш аятының басында: "Ізгілік пен тақуалықта бір-бірлеріңе жәрдемдесіңдер" делінеді. Одан соң адал зат алады деген адамыңыз арам зат алып жатса да, күнәсі өзіне.

Ең дұрысы - Аллаға мәлім!