Имам Ғазалидің жүрек күйлерін өзінің "Минһәжуль Ъарифин" кітабында синтаксистік ұғымдармен (иғрабпен) тұспалдап берген бұл ғибратты сөзін қазақшаға аударып беріп отырмыз. Имам Ғазали (Алла рахымына бөлесін) былай деп ой толғайды: 

"Жүректің де грамматикалық септелуі (иғрабы) сияқты төрт түрлі күйі болады: көтерілу (рафғ-дамма), ашылу (фатха), төмендеу (хафд-кәсра) және кідіру (уақф-сукун).

• Жүректің көтерілуі — Алла Тағаланы зікір етуде (еске алуда);

• Жүректің ашылуы — Алла Тағаланың тағдырына риза болуда;

• Жүректің төмендеуі — Алладан басқа нәрселермен әуреленуде;

• Жүректің кідіріп, тоқырауы — Алланы және ақыретті уайымдамай, ғапылдықта (кәперсіздікте) болуда.

Жүректің биіктеп көтерілуінің үш белгісі бар:

• Жаратушының бұйрығымен әрдайым үйлесімде (бойұсынуда) болу;

• Нәпсіге қарсы келу және күнәдан арылу;

• Жаратушыға деген сағыныштың үзілмеуі.

Жүректің ашылып, кеңуінің үш белгісі бар:

• Аллаға толық тәуекел ету;

• Шыншылдық пен адалдық;

• Берік сенім (яқин).

Жүректің тозып, төмендеуінің үш белгісі бар:

• Өзін-өзі ұнатып, өзін өзгеден жоғары санау (ужб);

• Көзбояушылық пен мақтаншақтық (рия);

• Дүниеге деген ашкөздік пен дүниеуи нәрселерге тым басыбайлы байлану.

Жүректің кідіріп, тоқырауының үш белгісі бар:

• Ғибадат пен ғылымның және бойұсынудың тәттілігінен айырылу;

• Күнә мен қателіктен ащы өкініш сезбеу;

• Адал мен арамның арасын ажырата алмай шатасу.

Имам Ғазали, рахимаһуллаһ: "Минһәжуль Ъарифин" кітабынан үзінді.