Бүгінгі таңда адам саудасы, соның ішінде, тән саудасы, құл саудасынан бөлек кейінгі кезде трансплатациялау-донорлық мақсатта адамның ңшкі ағзаларын саудалау белең алып, өршіп барады. Пайдаға құныққандар бұл ретте түрлі қитұрқы тәсілдерге, құрық бойламайтын қулыққа көшіп, заңсыз істерін жүзеге асырып келеді. Әлеуметтік желіде желдей ескен, әлемді дүр сілкіндірген мына қылмыс, әсіресе, адамның ішкі ағзасын саудалаудың қаншалықты тамыр жайғанын көрсетіп берді. Қытайда балаларды ұрлап, тірідей мұздатып тасығандар қолға түскен. Абырой болғанда, қылмыскерлер қолға түсіп, қылмыстары әшкере болды.