Алжир аумағындағы Африка құрлығы бойынша ең ұзын теміржол көпірінің құрылысының аяқталу мерзімі айтылды. Бұл жайында islam.kz порталы өз кезегінде «Африка бастамасы» агенттігіне жөн сілтеген IslamNews ақпарат көзіне сілтеме жасай отырып мәлім етеді. Аталған араб елінің мемлекеттік теміржол басқармасы Башардағы көпір құрылысының келесі жылдың соңына дейін аяқталып, пайдалануға берілетінін хабарлады. Қазірге шейін теміржол көпір құрлысының 78%-ы біткен. Башар – Тиндуф – Қара-Жабылат теміржол желісінің ұзындығы 4,1 шақырымнан асады. Бұл теміржолмен темір кені тасымалданатын болады. Алжирдің оңтүстік-батыс аймағындағы Сахара шөлінде орналасқан Қара-Жабылат кеніші әлемдегі ең ірі темір кеніші саналады. Оның қоры 3,5 млрд тоннаға жетеді.