Әлем чемпионатына қатысу үшін Катарға келген алты адамнан тұратын бразилиялық отбасы Доха қаласындағы мешіттердің бірінде исламды қабылдады. Бұл жайында islam.kz порталы өз кезегінде siasat.com ресурсына жөн сілтеген islam-today ақпарат көзіне сілтеме жасай отырып мәлім етеді. Әкесі мен анасы және олардың төрт баласының шаһадат айтқан видеосы әлеуметтік желіні шарлап кетті. Имам олардан қандай әсерде болғанын сұрағанда «Мен оны қалай жеткізерімді білмеймін. Оны сипаттау қиын. Бұл сезім менің жүрегімді толқытады». Сосын қызынан: «Сені біреу мәжбүр етті ме, әлде бұл сенің таңдауың ба?» - деп сұрағанда, ол: «Бізді Исламда ешкім мәжбүрлеген жоқ», - деп жауап берді.