Оңтүстік Кореядағы жастар арасында таз ауруынан зардап шегетіндер қарасы көбейіп келеді. Бұл жайында islam.kz порталы The Chosun ilbo ақпарат көзіне сілтеме жасай отырып мәлім етеді. Осыған байланысты Таңғы шық елінің билігі шаштың түсуіне қарсы ем-дом шығынын ұлттық медициналық сақтандыру жүйесіне енгізу туралы бастамасы қоғамдық денсаулықты сақтау сарапшылары мен саясаткерлер  және ауыр науқастар тарапынан қатаң сынға ұшырады. Аталмыш бастамаға сын айтушылардың уәжі бойынша шаштың түсуі адам өміріне тікелей қауіп төндірмейтін ауру болғандықтан оның шығынын медсақтандыру жүйесіне енгізудің қажеттілігі жоғын алға тартып отыр. Оның орнына ауыр науқастарға мейлінше қолайлы жағдай жасауды талап етуде. Ал кейбіреулер бұл бастаманы поулистік деп атап, осы бастаманы көтеру арқылы жастарды өз жағына тартып, өз партиясына дауыс берушілер қатарын көбейткісі келеді, деп айыптады. Денсаулық сақтау және әлеуметтік қамсыздандыру министрі Шон Ын-кен өткен айдың 11-і күні өткен саяси кеңесте: «NHIS тарапынан 1000 адам арасында жүргізілген сауалнама оң нәтиже берді» деп мәлімдеді. Форум - азаматтар саясатты тікелей талқылай алуы үшін қазіргі әкімдік құрған жария талқылау процесі. Биылғы жылдың шілде айына жоспарланған оның бірінші тақырыбы - «шаштың түсуі кезіндегі медициналық сақтандыру». Үкіметтік инсайдерлер форумды осы саясатты ресми ілгерілету үшін рәсімдік қадам ретінде түсіндіреді. Бастапқыда шаштың түсуінен сақтандыруды президент Ли Ше Мен 2022 жылғы сайлау науқанында берген уәдесі болатын. Өткен жылдың желтоқсан айындағы брифинг кезінде президент денсаулық сақтау және әлеуметтік қамсыздандыру министрлігіне бұл саясатты қайта қарауды тапсырған болатын. Бастапқыда министрлік қаржылық қиындықтарға байланысты жариялауға қарсы болды, бірақ, президент әкімшілігінің қоғамдық пікір сауалнамасынан кейін қызметін жалғастыру туралы бірнеше рет берген өкімдерінен кейін өз ұстанымын өзгертті. Жиі болатын стресс салдарынан пайда болатын ареат алопециясы қазірдің өзінде ауру ретінде жіктеледі және оның шығыны кей елдерде медициналық сақтандырумен жабылады. Корей үкіметі қазір андрогенетикалық алопецияны қайта қарастыруда. Басты мәселе - медициналық сақтандыру қаржысыныңі жетіспеушілінде. Тіпті, жастар арасындағы таздықемінің шығынын өтемесе де медсақтандыру жүйесі биыл қаржы тапшылығына тап болып отыр, ал қордағы ақша 2029-2030 жылдары таусылады. Осыған қарамастан, үкімет бұл саясаттың бағасын ашпады, яғни, таздықты емдеу шығынынқұпия ұстап отыр. IQVIA маркетингтік зерттеу компаниясының мәліметінше, 2024 жылы ел ішінде алопецияға қарсы 188 миллиард корей воны тұратын андрогенетикалық дәрі-дәрмек сатылған. Медициналық қоғамдастық жыл сайынғы шығыс мөлшері 700 миллиард корей вонына дейін жетуі мүмкін екенін ескертуде. Кореялық ауыр ауруларға қарсы күрес альянсы: «Ауыр сирек және емделмейтін аурулар мен емделмейтін қатерлі ісік аурулары бар пациенттер сақтандыру төлемінің жоқтығынан емделуден бас тартады», - деп мәлімдеген болатын. Осы бастамаға наразылығын білдіре келе.