Діни сеніміне қарай мазар ашылады

Ресей Федерациясының Құрылыс министрлігі ел аумағында "діни наным-сеніміне қарай мазар" деп ашу қарастырылған заң жобасын әзірлеу үстінде. Аталған заң жобасы депутаттар тарапынан мақұлданып, қабылданып кетсе, фәниден бақиға аттанған ел тұрғындары діни сеніміне қарай әр бөлек бейітке жерленеді. Аталған заң жобасында мұндай мазарлар жеке меншікте, қала меншігінде және мемлекет қарауында болуы мүмкін. Мазар үшін бөлінетін жер көлемі орталықтандырылған діни ұйымдарға тегін беріледі.