«Мұсылман думаны» деп аталатын топтама бойынша жұмыс істеген бастамашыл топ көздеген мақсатына жетті ме? Қалжыңға құрылған бағдарламаның нәтижесінен байқалғандай, осы елдегі исламофобиялық жат құбылысқа тойтарыс беру мақсатында қолға алынған жоба өз-өзін ақтады десе де болады. Комикс топтамасы 30 елде кеңінен танымал болып, 20 тілге аударылғанынан оның қаншалықты сәтті жүзеге асқан жоба екенін аңғаруға болады. Аталмыш жобаның сәтті жүзеге асуына оның әзілге құрылғаны себеп болғанын айта кету керек. Онда кәрі құрлықтағы мұсылмандарға деген қарым-қатынас көрініс тапқан. Әзілмен астарлап жеткізген исламофобиялық құбылыстың қоғамға қауіпті тұсы ашып көрсетілген.