Қырғыз Республикасының президенті Алмазбек Атамбаев осы елдің дін істері жөніндегі мемлекеттік комиссияның директоры Озорбек Молдалиевпен кездесуі барысында елдегі діни ахуалға бақылауды күшейту турасында тапсырма берді. Мұндай шара өз кезегінде ел қауіпсіздігін қамтамасыз етіп, қауіп-қатердің алдын алуға септігін тигізеді. Қырғызстан Ішкі істер министрлігі ғаламтор арқылы жастарды террористік және экстремистік ұйымдарға тартатын «интернет имамдардың» белсенді жұмыс істеп жатқанын хабарлады. Қырғызстанның 500-ге тарта азаматы халықаралық террористік ұйымдарында содырлар жағында соғысып жүргенін де жеткізген.