2006 жылы Газа секторында израилдік сарбаздардың қолынан 1097 бала көктей солып, опат болған. Тағы мыңнан аса бала өмір бойы жарымжан болып қалды. Бұл мәліметті балалар құқығын қорғау жөніндегі жетекші халықаралық үкіметтік емес «Халықаралық балаларды қорғау – Палестина» (DCIP) ұйымы келтірді. Ал, өткен жылғы «Мызғымайтын жартас» деп аталатын Израилдің әскери операциясы кезінде 535 палестиналық бала қаза тапқан екен. Олардың дені 12 жасқа толмаған балалар. Осындай фактіні Израилдің әскери қылмысына айғақ ретінде келтірген аталмыш ұйым кінәлілерді жауапкершілікке тартып, жазалауды талап етіп отыр.