Қасиетті Рамазан айының алғашқы күні белгісіз қаскүнемдер Польшаның Крушиняна елді-мекеніндегі татарлар мешітінің қабырғасына доңыздың басын бейнелеп, мұсылмандар жерленген мазарларды қиратып кеткен болатын. Осы келеңсіздікке байланысты жуырда жергілікті католиктер мен иудейлер және протестант пен православ өкілдері мешітті қоршай қол ұстасып, мұсылмандарға қолдау көрсетті. «Біз Польша тарихын бірге жасап келеміз, алдағы уақытта бірге жасай береміз»,- деді осынау көрініске көңілі толқыған аймақ губернаторы Мация Питания. Татарлар да олардың қолдау білдіргеніне алғыс айтты. Жергілікті экологтар вандалдардың айғыздап кеткен мешіт қабырғасын қалпына келтірді. Полиция қызметкерлері қаскүнемдерді іздестіріп жатыр.