Осыдан төрт күн бұрын Францияның Нуази-ле-Гран қаласы әкімдігінің «Ұлттық майдан» деп аталатын партия атынан сайланған мүшесі, 22 жастағы Максенс Баттей бейнетаспасында өзінің ислам дінін қабылдағанын және не үшін осындай қадамға барғанын айта келіп, партиядағы әріптестерін де ислам дінін қабылдауға үндегенін хабарлаған едік өздеріңізге. Оның бұл қадамы талай жылдан бері исламға қарсы ұстаныммен аты шыққан партия серкелерінің төбесінен жай түсіргендей болған еді. Осыған байланысты Максенс Баттейді оңшыл радикалды аталмыш партия қатарынан шығару немесе қалдыру мәселесі қаралатын партия жиыны өтіп жатыр.