Мысырдың қаржыны реттеу органы (FRA) елдегі такафулдың сақтандыру қызметін жүзеге асыруға лицензиясы бар компаниялар жұмысын, ережесін, стандарттарын және бақылау тетіктерін реттейтін шешім қабылдады. Бұл жайында islam.kz порталы Daily News Egypt мерзімді басылымына сілтеме жасай отырып мәлім етеді. Такафул (араб. تكافل - «өзара кепілдік беру») - шариғат талаптарына сәйкес қатысушылар мен оператор арасында пайда мен залалды бөлу тетігі негізге алынған сақтандыру жүйесі. Такафул жүйесі өткен ғасырдың 70-ші жылдарынан бастап енгізілген Мысырда ел билігінің бұл қадамы такафулды сақтандыру нарығын жандандыруға және нормативтік базаны жаңғырту, операциялық тиімділікті арттыру және кеңейту үшін жаңа мүмкіндіктер тудыру арқылы 2024 жылғы № 155 Бірыңғай сақтандыру заңының ережелеріне сәйкес сектордың өсуін ынталандыруға бағытталған. Ереже талаптары қатысушылар қаражатының қаржылық төлем қабілеттілігін сақтай отырып, сақтандыру операцияларын басқаруға және қатысушылардың қаражатын басқару алымдарына, инвестициялық кірістілік үлесіне немесе осы факторлардың комбинациясына айырбастауға инвестициялауға лицензияланған ұйымдар ретінде айқындалатын сақтандыру компанияларына қолданылады. FRA жаңа ереже уакала (агенттік) және мудараба (пайданы бөлу) үлгілерін біріктіру арқылы такафулды және инвестициялық шоттарды басқарудың озық операциялық жүйесін енгізетінін атап өтті. Ол мәмілеге қатысушылардың қаражатын басқарудың үш операциялық құрылымын орнататынын түсіндірді: уакал моделі, мудараба моделі және екі жүйені біріктіретін гибридтік модел. Гибридтік құрылым шеңберінде компаниялар сақтандыру қызметін ақылы түрде басқарады, ал инвестициялар белгілі бір реттеушінің бақылау құқығына бағына отырып, инвестициялық кіріс үлесіне айырбас ретінде, яғни, мудариб ретінде жүзеге асырылады. Ереже, сондай-ақ, тапшылықты жабу жөніндегі қорларды және ерекше жағдайлардан қорғауға арналған наразылықтар флуктуациясының (лат. fluctuatio – тербеліс немесе ауытқу) - қандай да бір шаманың күтпеген, тұрақсыз өзгерісі). резервтерін қоса алғанда такафул компанияларының және мәмілеге қатысушылар қорларының қаржылық тұрақтылығын нығайтуға бағытталған резервтерді қалыптастыруды реттейтін талаптарды да қарастырады. Сақтандырудан артылғған қаржы жыл соңында бірнеше бекітілген тетіктер арқылы бөлінуі тиіс. Мәмілеге қатысушылардың жарналары негiзiнде теңдей бөлу, жыл iшiнде талап қоймастан қатысушылар арасында артық бөлудi шектеу немесе әрбiр қатысушыға жасалған өтемақыларды шегергеннен кейiн бөлу есебін жүргізуді ұйғарады. Бұл ретте артық бөліктерін акционерлерге бөлуге нақты тыйым салады. Ереже, бұған қоса, резервтерді пайдалануды, акционерлер беретін пайызсыз қарызды немесе қажет болған мәмілеге қатысушылар қаражатындағы тапшылықты жою әдістерін қосымша айқындайды. Компаниялар салақтықтан немесе қаржылық операция барысында жіберілген кез келген кемшіліктер үшін жауапты болып қалады. Басқаруды нығайту және нормативтік актілерді сақтау регламенттері компаниялардан кем дегенде үш мүшеден тұратын тәуелсіз шариғат бақылау комитетін құруды талап етеді. Комитет келісімшарттар мен қызметті қайта қарауға, міндетті шариғат қорытындыларын шығаруға және ислам қағидаттарының сақталуын бақылауға жауап береді. Ереже, сондай-ақ, шариғат аудиторын тағайындауды көздейді және акционерлер мен мәмілеге қатысушылардың шоттарын толық бөлуді, бухгалтерлік саясатты ашық жүргізуді, артық бөлуді және тапшылықты реттеу тетіктерін, сонымен қатар, шариатқа сәйкес келмейтін кез келген операцияларды түзетуге, ақпарат пен ашықтыққа неғұрлым қатаң талаптар енгізеді. Бұдан басқа, нормативтік актілер шариғатқа сәйкес келмейді деп танылған кірістердің айналымы мен оларға билік етуді реттейді және компанияларға зекет қорларын құруға мүмкіндік береді. Жаңа жүйе FRA кеңесінің 2019 жылғы № 23 шешіміне сәйкес қабылданған бұрынғы такафулаларды сақтандыру ережелерін алмастырады және Egyptian Gazette мерзімді басылымына жарияланғаннан кейін күшіне енеді