Тәжікстанның ішкі істер қызметкерлері шамамен бір жарым мың адамды балгерлікпен және сиқырлықпен айналысты деген айыппен тұтқындады. Бұл жайында islam.kz порталы өз кезегінде аталған елдің ІІШ дерегіне жөн сілтеген lenta.ru ақпарат көзіне сілтеме жасай отырып мәлім етеді. 2024 жылдың мамыр айынан басталған алаяқтарды аулау науқаны аясында ұзын саны 7,5 мың адам ұсталды. Олардың ішінде арнайы діни білімі жоқ 5 мың молда, сондай-ақ, 1,5 мың балгер және сиқыршы бар. Тәжік билігі тек бақсы-балгерлер мен сиқыршыларға ғана емес, сонымен қатар, олардың клиенттеріне де жаза қарастырылған күрес шараларын қолға алған болатын. Қолға түскендердің барлығы ең аз дегенде дегенде қоғамдық жұмысқа жегілетін болады.