Иран ислам республикасы парсы елінің жыл санауы бойынша соңғы күнтізбелік жылы (2021 жылдың наурыз айының 21-нен 2022 жылдың 20 наурызына дейінгі аралықта) әлемнің 75 еліне пістенің түр-түін экспорттаған екен. Бұл жайында islam.kz порталы парсылардың Mehr News ақпарат көзіне сілтеме жасай отырып мәлім етеді. Иран кедендік қызметінің келтірген дерегіне қарағанда, аталған мерзімде 135 322 тонна пісте 914 427 826 долларға экспортталған. Иранның кедендік басқарасының (IRICA) жетекшісі Рухалла Ләтіп мәлімдегендей, иран пістесін тұтынуда мына елдер көш бастаған: Қытай (199 млн долларға импорттаған), Үндістан (85 млн доллар), Ресей (53 млн доллар), Ирак (50 млн доллар) және Қырғызстан 45 млн доллар).