Келесі жылдың басынан бастап, Парсы шығанағы елдерінің ынтымақтастық кеңесіне мүше мемлекеттерде туристерге бірыңғай виза берілуі мүмкін. Бұл виза туристерге өз кезегінде Парсы шығанағындағы алты елдің аумағында болуға мүмкіндік береді. Аталмыш кеңестің ресми өкілінің сөзіне қарағанда, жаңа ереже Еуропалық одақтағы Шенген аймағына ұқсас үлгіде енгізіледі.Парсы шығанағы елдерінің бұл шарасы аталған аймақта туристік саланы жандандыру мақсатында қолға алынып отыр. Айта кетейік, бүгінгі таңда аталған аймақтың жалпы ішкі өнімінің 15 пайызын туристік саладан түскен табыс құрап отыр. 2018 жылы туризмді дамытуға қосымша 380 миллиард долларға жуық қаражат бөлінеді.