Нигериядағы ағылшын шіркеуі бір жыныстылар некесін қолдайтын епископ Сара Малаллидің Кентербер архиепископ лауазымына тағайындалуына орай Англия шіркеуімен арадағы рухани байланысты үзетінін ресми мәлімдеді. Бұл жайында islam.kz порталы өз кезегінде Christian Daily ақпарат көзіне жөн сілтеген inVictory мегапорталына сілтеме жасай отырып мәлім етеді. Дәлірегі, Африка құрлығындағы аталған елдің архиепископы Генри Ндукоба Сара Малаллидің бұл тағайындалуын бүкіл әлемдік ағылшын қауымдастығы үшін “шектен тыс масқара әрі бүлдіруші қадам” деп бағалады. Абуджа Ндукобаның 2025 жылдың қазан айының 6-ы күні жарияланған мәлімдемесінде Англия шіркеуінің бұл шешімі бүкіл әлем бойынша әйелдердің діни қызметін де, бір жынысты одақтардың заңдастырылуын да мойындамайтын миллиондаған ағылшындардың інжілдік сенімін елемейтінін атап өткен. "Бұл екі мәрте соққы, - деп мәлімдеді архиепископ. - Алдымен епископаттағы әйелдің басшылығын қабылдай алмайтындарға қарсы, содан кейін бір жынысты некені қолдауға келіспейтіндерге қарсы соққы моралдық және теологиялық дағдарысты тереңдетеді". Бұған дейін Лондон епископы және Англияның бас медициналық кеңесшісі қызметін атқарған 63 жастағы Сара Малалли таяуда Кентербери архиепископы лауазымына бекітілді. Ол осындай лауазымдағы алғашқы әйел атанды. Ол архиепископ Жастин Уелбидің орнына келеді және бүкіл әлем бойынша 85 миллионға жуық жамағатты біріктіретін Ағылшын қоғамының рухани көшбасшысына айналады. Ндукоба өзінің шіркеуі Gafcon (Global Anglican Future Conference) қозғалысын - Африка, Азия және Латын Америкасының консервативті ағылшын провинцияларының қоғамдастығын толық қолдайтынын атап өтті. Ндукоба архиепископы өз шіркеуінің «кез келген ревизионистік үрдістерге қарамастан Киелі жазбаның беделін, апостолдық діндерді, евангелизмді және қасиетті христиан өмірін» ұстанатынын растады.