Дубайда Құрбан айт мерекесінің құрметіне түрмеде жазасын өтеуші 488 адам бостандыққа шығарылады. Бұл шешімді Дубай әмірі, БАӘ вице-президенті, премьер-министрі шейх Мұхаммед бен Рашид әл-Мақтұм қабылдаған.

Қазіргі уақытта Дубай прокуратурасы мен полициясы аталмыш шешім бойынша жұмыс жүргізуде. Еске сала кетсек, БАӘ президенті шейх Халифа бен Заид әл Нахайян бұған дейін 422 адамға кешірім жасаған еді. Кешірім Шардж, Рас-Эль-Хайма және Аджман әмірліктерінде де жарияланды. Айта кету керек, Құрбан айт мерекесі кезінде Біріккен араб әмірлігінің барлық мемлекеттік мекемелеріне бір апта демалыс беріледі.