Үндістанның Уттар-Прадеш штатында тарихта тұңғыш рет әйелдер шариғи соттың қазысы болды. Нақтырақ айтқанда, Канпур қаласының шариғи сотының қазылары болған Хина Захир және Мария Фазал жергілікті медресенің түлектері. Хина шиттердің құқықтық, ал Мария сүнниттердің мәселелерімен айналысады. Олар неке қиып, ажырасу және қалыңмал мәселелерін шешетін болады. Бұл жайында «IslamNews» порталы «Hindustan Times» ақпарат көзіне сілтеме жасай отырып, хабар таратты. Олардың шариғи соттың қазылары болып тағайындалғанына жергілікті имамдар қарсы болғанымен, мұсылман әйелдердің бүкіл үнділік кеңесі (AIMWB) қолдау білдірді. Аталған кеңестің төрайымы Саида Табассумның айтуынша, шариғат әйелдердің мұндай қызмет атқаруына тыйым салмайды.