Шілде айының 20-ы күні Газа секторындағы Шуджайя елді-мекенінде 100-ге жуық адам опат болды. Бір күннің ішінде Израилдің әскери жорығынан осынша адам көз жұмды. Куәгерлердің сөзіне қарағанда, Ливандағы палестиналық босқындарға арналған Сабра және Шатила лагеріндегі жағдай тағы қайталанды. Дәлірегі, 1982 жылы израилдіктер аталған лагерде палестиналықтарды қасап қырғынға ұшыратқан еді. Израиль әскері таң атпай жатып, елді-мекеніне шабуылдаған және күні бойы оқтың астына алған. Палестиналық тұрғындар үйлерінен жалаңаяқ жүгіріп шыққанымен израилдіктер ешкімді аямады. Түгел жусатып салды.