Көп ұзамай мобилді құрылғылар денеңізден бөлінетін жылудан қуат алатын болады. Ол үшін аппаратты қалтаңыздан тастамай, өзіңізмен бірге алып жүру керек. Массачусет технологиялық институтының (MIT) ғалымдары көлемі түймедей ғана болатын, өздігінен қуаттанатын аккумуляторлы батареяны ойлап тапты. Бұл арада жұмыс температурасының диапазоны Цельсия бойынша 20-дан 60 градусқа дейінгі аралықта болады. Ғалымдардың айтуынша, олардың жасаған технологиясы розетканы қажет етпейтін мобильді батареяның жаңа түрінің пайда болуына себеп болуы мүмкін. Сондай-ақ, ғалымдар оның әлуетіне көп үміт артып отыр. Өйткені, олар әлсіз жылуды арзан энергияға айналдыра алады. Сонымен қатар, аталмыш технология жылу энергиясын қоршаған ортадан да ала алады.