Ауғанстанның билік тізгінін ұстаған тәліптер қозғалысы жасақтаған үкіметі, дәлірегі,  ішкі істер министрлігі арнайы рұқсатсыз оқ-дәрі мен қаруды сақтауға және өзімен бірге алып жүруге тыйым салу қарастырылған қаулы қабылдады. Бұл жайында islam.kz порталы өз кезегінде ТАСС ақпарат агенттігіне жөн сілтеген Islam-Today сайтына сілтеме жасай отырып мәлім етеді. Аталмыш министрліктің Х (бұрынғыTwitter) әлеуметтік желісіндегі ресми парақшасында жарияланған құжатқа сәйкес мұндай тыйым түрлі лауазым иелеріне де, мождаһедтерге де, қатардағы азаматтарға да, мемлекеттік қызметкерлерге де, т.б. қатысты. Тек ІІМ-нен арнайы лицензия алған адамдарға ғана қаруды заң талаптарына сай пайдалануға рұқсат етіледі.