Американың әскерилері атыс кезінде кездейсоқ адамдарды жарақаттамауға мүмкіндік беретін оқ жасады. Оқ белгілі бір қашықтықтан өткен соң өзін өзі жойып жіберетін жарылғышпен жабдықталған. Ол үшін детонация алдында уақытша қашықтық беріліп, одан кейін оқ жарылып, ұшуын тоқтатады.

Әскерилер қала ішінде атыс кезінде жанжалға қатысы жоқ бейбіт адамдар көп зардап шегеді деп отыр. Олардың ұсынған технологиясы тұрғындардың оққа ұшуы немесе жарақат алуын азайтуға мүмкіндік береді. Бұл мәселе снайперлік мылтық пен ірі калибрлі оқшашарларда көп қолданылатын 50-ші калибрлі патрондарға қатысты. Сондықтан алғашқы жойылатын оқ та осы калибр көлемінде жасалған.