Биологтер денсаулыққа қауіпті микроорганизмдердің адам организімінде оттегісіз тіршілік етуіне көмектесетін негізгі ферменттің құрылымын анықтады. Бұл жайында islam.kz порталы Proceedings of the National Academy of Sciences мерзімді басылымына сілтеме жасай отырып мәлім етеді. Жапон және ағылшын ғалымдары патогенді бактериялардың адам организіміне тап болған кезде зат алмасуды қалай қайта құратынын анықтады. Инфекция ошағында оттегі жетіспейді және кәдімгі жасушалық тыныс алу бұзылады. Микробтар өмір сүріп, көбеюін жалғастыру үшін басқа энергия көзін іздеуге тура келеді. Ғалымдар ажыратып көрсету қабілеті жоғары криоэлектронды микроскопияны қолданып, алғаш рет нитратредуктазаның ақуызын егжей-тегжейлі қарастырды. Бұл фермент оттегі тапшылығы кезінде қосылады және бактерияны оттегінің орнына нитраттармен тыныс алу режиміне ауыстырады. Биологтар ферменттің жасушалық мембранаға қалай жиналып, қалай кіріктірілетінін көрді. Нитратредуктазаның жұмысы тоқтатылғанда, патогендер энергия көзінен айырылып, тез жойылды. Мұндай жаңалықтың медицина үшін маңызды. Нитратредуктазды жолды көптеген қауіпті бактериялар, соның ішінде туберкулез қоздырғышы пайдаланады. Қауіпті бактериялардың антибиотиктерге төзімділігін қалыптастыруы жаһандық  дағдарысты тудырып отыр. Бұл тараптағым зерттеу нәтижелері мен құрылымдық деректер осы қорғаныш ферментін мақсатты түрде жоятын дәрілерді әзірлеуге мүмкіндік береді.