«Время» газетіндегі хабарға қарағанда, жергілікті тұрғындар су айдынынан медузаны көрген. Әрі оны бейнетаспаға түсіріп алған. Медуза теңіз жәндігі болғандықтан еліміздің аумағында пайда болуы таңқаларлық құбылыс. Шығыс Қазақстан мемлекеттік университетінің оқытушысы, биолог Бағдат Кәрменова да Өскеменнің су айдынынан табылған жәндіктің медуза екенін растап отыр. Бірақ, оның қандай түрі екенін әрі мұнда қалай тап болғанын анықтай алмаған. Оның топшылауынша, шетелден әкелініп, су айдынына жіберілген. Әзірге мамандар бұл медузаның өзен фаунасына немесе адамдарға қандай қауіп төндіретінін айта алмай отыр.