«КТК» телеарнасының хабарлауынша, ресми статистикалық мәлімет бойынша елімізде соңғы жылдары жиырма мыңнан аса кәмелет жасына толмаған мектеп оқушысы түсік жасатады екен. Сондай-ақ, Қазақстан әлем бойынша 15-19 жас аралығындағы қыздар арасында өз-өзіне қол жұмсау көрсеткіші бойынша да «көш бастап» тұр. Ұлттық деңгейге көтерілген осынау келеңсіздікпен күресу үшін қоғам болып жұмылып, отбасылық институттардың іргетасын нығайту керектігін алға тартып отыр мамандар. Біздің қосарымыз: ата-баба дәстүрін жаңғырту, ислам құндылықтарын дәріптеу секілді шараларды да қолға алу керек. Салдарымен емес, себебімен күресіп үйренуіміз қажет.