|
Халал сертификатына ие болған кәсіпорындар
|
АЛМАТЫ ҚАЛАСЫНДА ЕКІ КӘСІПОРЫНҒА «QMDB HALAL» КУӘЛІГІ ТАБЫСТАЛДЫ
Алматы қаласындағы ИП «CHUNKY COOKIES» және «Ансар» ЖШС халал стандарттарының талаптарына сәйкестігін растау нәтижесінде «QMDB HALAL» куәлігін алды.
Куәлік беру алдында кәсіпорындарда өндіріс үдерісі, қолданылатын шикізаттың халал талаптарына сәйкестігі, санитарлық-гигиеналық талаптардың сақталуы және ішкі өндірістік бақылау жүйесі жан-жақты зерделенді. Сараптама қорытындысы бойынша аталған кәсіпорындардың қызметі «QMDB HALAL» стандартының талаптарына сәйкес деп танылды.
«QMDB HALAL» куәлігі – кәсіпорынның халал талаптарын сақтай отырып, өнім өндіру мен қызмет көрсетуге деген жауапкершілігін айқындайтын сенім белгісі.
АЛМАТЫ ҚАЛАСЫНДА КӘСІПОРЫНДАРҒА QMDB HALAL КУӘЛІГІ ТАБЫСТАЛДЫ
Алматы қаласында бірқатар кәсіпорындарға QMDB HALAL куәлігі табысталды.
Атап айтқанда, ЖШС «Romanov.Kz», ЖК «SOGYM», ЖК «Айран Фреш» және ЖК «Ет Әлемі» халал стандарты талаптарына сәйкестігін растағаннан кейін QMDB HALAL куәлігіне ие болды.
Куәлік табыстау барысында кәсіпорын өкілдеріне халал өндіріс талаптарын тұрақты сақтау, өнім сапасын бақылауды үздіксіз қамтамасыз ету және тұтынушылар сенімін нығайтудың маңыздылығы түсіндірілді. Сонымен қатар, QMDB HALAL белгісін пайдалану куәлік талаптарын толық сақталған жағдайда ғана мүмкін екені атап өтілді.
АҚТӨБЕДЕ «ОТБАСЫ ТЕЛЕПУЗИК» ОТБАСЫЛЫҚ ДӘМХАНАСЫНА ХАЛАЛ КУӘЛІГІ ТАБЫСТАЛДЫ
Ақтөбе қаласында орналасқан «Отбасы Телепузик» отбасылық дәмханасына «QMDB Halal» халал куәлігі табысталды. Куәлікті жұма күні Ақтөбе облысының бас имамы Садиев Амантай Әбілдаұлы салтанатты түрде тапсырды.
Аталған нысанда халал стандарттарының сақталуына байланысты толық тексеру жұмыстары жүргізілді. Аудит барысында кәсіпорынның өндірістік үдерістері, қолданылатын шикізаттары мен санитарлық талаптарды орындау деңгейі жан-жақты зерделенді.
Тексеру жұмыстарын маман Ақмаржан Ержанқызы жүргізіп, дәмхананың халал талаптары мен бекітілген стандарттарға толық сәйкес қызмет атқарып отырғанын растады.
Қазіргі таңда «Отбасы Телепузик» отбасылық дәмханасы тұтынушыларға халал талаптарына сай сапалы қызмет көрсетуде. «QMDB Halal» жүйесі аясындағы бақылау және мониторинг жұмыстары алдағы уақытта да жалғасын табады.
АҚТАУ ҚАЛАСЫНДА БІРҚАТАР КӘСІПОРЫН «QMDB HALAL» КУӘЛІГІНЕ ИЕ БОЛДЫ
Ақтау қаласында бірқатар қоғамдық тамақтану және кондитерлік кәсіпорындарға «QMDB HALAL» халал куәлігі табысталды.
Атап айтқанда, «Croissant Gallery» кондитерлік дүкені, «Ақкеме» және «Шаңырақ» тамақтану орындары халал талаптарына толық сәйкес келіп, алғаш рет «QMDB HALAL» куәлігіне ие болды.
Аталған кәсіпорындарда бірнеше ай бойы кешенді тексеріс және мониторинг жұмыстары жүргізілді. Аудит барысында анықталған ескертулер бойынша қажетті түзету шаралары енгізіліп, өндіріс процесі мен қызмет көрсету талаптары толықтай халал стандартына сәйкестендірілді. Осы талаптардың барлығы толық орындалғаннан кейін ғана кәсіпорындарға «QMDB HALAL» халал куәлігі табысталды.
«QMDB HALAL» стандартына сәйкес берілетін халал куәлігі кәсіпорын өнімдерінің және өндіріс процесінің шариғат талаптары мен халал стандарттарына сай екенін растайды. Халал талаптарының тұрақты сақталуын қамтамасыз ету мақсатында кәсіпорындарда жоспарлы бақылау және мониторинг жұмыстары жүйелі түрде жүргізіліп келеді.
ТҮРКІСТАН ОБЛЫСЫНДА «QMDB HALAL» КУӘЛІГІ ТАБЫСТАЛДЫ
Түркістан облысы, Сайрам ауданы, Қарасу елді мекенінде орналасқан «Чобани» дәмханасына «QMDB HALAL» халал куәлігі табысталды.
Куәлік табыстау рәсімі барысында жамағатқа «QMDB HALAL» стандартының маңыздылығы, халал өнімнің ерекшелігі және халал тұтыну мәдениетін қалыптастырудың мәні жан-жақты түсіндірілді. Сонымен қатар, халал сертификаттаудың талаптары мен оның қоғам үшін маңызы жөнінде ақпарат берілді.
Түсіндіру жұмыстары аяқталғаннан кейін «Чобани» дәмханасына «QMDB HALAL» халал куәлігі салтанатты түрде табысталды.
«QMDB HALAL» стандартына сәйкес берілетін халал куәлігі кәсіпорын өнімдерінің және өндіріс процесінің шариғат талаптары мен халал стандарттарына сай екенін растайды. Халал талаптарының тұрақты сақталуын қамтамасыз ету мақсатында кәсіпорындарда жоспарлы бақылау және мониторинг жұмыстары жүйелі түрде жүргізіліп келеді.
