Әлхамдулилләһ. Уассәләту уәссәлму аля расулиллә!

Құрметті сауал жолдаушы, сауалыңыздан түсінгеніміздей сіздің жағдайда хайыз он күн келіп тоқтаған, бірақ арадан он күн өтіп, тағы қан көрінген. Бұл жағдайда не істемек керек?

Ереже бойынша екі хайыз арасы - ең аз 15 күн болуы керек. Сіздің жағдайда арадан он күн өткендіктен, ол хайыз емес, үзір қаны саналады. Намазды оқып жалғастыра бересіз. Ғұсыл жаңаламайсыз.

Және бұл жағдайда мына мәселеге назар аудару керек:

• Егер, сіздің әдетте хайыз тоқтайтын күніңіз 10 күн болса, яғни, әдетте хайыз он күн келіп тоқтап жүрсе, сауалдағы жағдайда ештеңе керек емес.
• Ал егер сіздің әдетте хайыз тоқтайтын күніңіз он күннен аз болса, мысалы, 7 күн болса, сауалдағы жағдайда сіздің хайыз күндеріңіз жеті күн болып саналып, қалған үш күндік оқылмаған намаздың қазасын өтеп алуыңыз керек.

Ең дұрысы - Аллаға мәлім! Әлхамдулилләһи Раббиль аләмин!