Бисмилләһир рахманир рахим

Ислам ақидасында қабыл етілген сенім бойынша, Адам ата мен Хауа ана өмір сүрген пейіш көктегі пейіш болған, яғни, ана өмірде мүміндер мәңгі-бақи өмір сүрер орын.

«Бұл - дін ғалымдарының басым көпшілігінің қабыл еткен көзқарас, өйткені аяттар мен хадистердің ашық беткі мағынасы анық осыны ұқтырады» -

- дейді тәпсірші ғұлама Ибн Кәсир (рахимаһуллаһ).

Десе де, ескілікті дін ғалымдарының арасында: «Адам ата мен Хауаның өмір сүріп, кейін қуылған пейіш көктегі пейіш емес, ол жерде орналасқан арнайы әзірленген бақша еді» деген батыл көзқарас білдіргендер де болған. Мұндай көзқарас - сахабалардан Үбәй ибн Кәъбқа, Абдулла ибн Аббасқа, табиғиндерден Уәһб ибн Мүнәббиһке, әтбәъут тәбиғиндерден Суфян ибн Ъуяйнәға, тіпті кейбір риуаятта Әбу Ханифаға да тән етіледі¹.

Әйтсе де, көпшілік дін ғұламалары тарапынан бұл екінші көзқарас қолдау көрмеген және Ислам сенім-негізінде бірінші көзқарас негізге алынады.

Аллаһу аъләм! Әлхамдулилләһи Раббиль аләмин!