Сәлеметсіз бе!

Ардақты Пайғамбарымыз (с.а.у.) өзінің өсиетінде былай деген: «Алланың азабына ұшырағандардың мекендеріне кірмеңдер, жылап кірсеңдер ол басқа. Ал жыламайтын болсаңдар ол жерлерге кірмеңдер. Оларға төнген нәрсе сендерге де төніп жүрмесін».

Тағы бір хадисте Алла елшісі (с.а.у.) Сәмуд қауымының жеріндегі құдықтан алынған суды төктіріп, ол суға иленген қамырды жегізбей, түйелерге бергізген¹. Мұның өзі Лұт қауымы, Сәмуд, Ад қауымы секілді тікелей Алланың азабы түскен жерлерге бармаудың маңыздылығын білдіреді.

Сондықтан да, өлі теңіздің анық Лұт қауымы азапқа ұшыраған орын болса, ол жерге бару да, көліне шомылу да діни тұрғыда құпталмайды деуге негіз бар. Ең дұрысы – Аллаға мәлім!