Уағалейкумуссәләм уә рахматуллаһи уә бәракәтуһ!

Ислам әдебі бойынша, тойда әйелдер бөлек, ерлер бөлек отырулары тиіс. Біздің қоғамда белең алғанындай, той-томалақтарда бір-біріне туыстығы жоқ әйелдер мен еркектердің бір үстелде отыруларын дініміз құптамайды. Сондықтан да:

• Лаж болса, әйелдер қауымын бөлек, ерлер қауымын бөлек отырғызған — нұр үстіне нұр болмақ.

• Не болмаса, әр үстелге бір-біріне жақын туыстар отыратындай етіп тізімді реттеген жақсы. Мысалы: әкесі, баласы, анасы, әпкесі, апасы, немере ағасы, туған жеңгесі, т.б.

Мүмкіндігінше, той иесі осылай реттеп, қонақтар арасындағы бір-біріне бөтен әйел кісілер мен ер адамдарды араластырып отырғызбауға тырысқаны — Ислам әдебіне сай іс.

Ең дұрысы — Аллаға мәлім!
Әлхамдулилләһи Раббиль аләмин!