Сәлеметсіз бе! Тоғыз ай бойы жұбайыммен бірге тұрмадым. Заңды түрде ажырастық. Ал енді қайта қосылсақ, неңе жаңартып тұра беруге боа ма? Күнә емес пе? Анон.
|
Сот арқылы ажырасқан ерлі-зайыптылар қайта қосыла ала ма?
|
Сәлеметсіз бе! Сот үкімімен ажырасу бір талаққа есептеледі[1]. Бұл дегеніміз, егер одан бұрын екі талақ айтылмаған болса, неке жаңартып, қайта жарасуларыңызға болады деген сөз. Осы тұрғыда, неке қиярда жаңадан мәһр (неке сыйлығы) тағайындалатындығын да айта кетелік[2]. Ең дұрысы - Аллаға мәлім!
[1] Кей дін ғалымдары соттың қаулысын талақ деп санау үшін, соттың мұсылман болуын шарт қосады.
[2] Мәһрдің ең аз мөлшері хадисте «он дирһам» күміс ақшасы деп келтірілген. Даруқутни, «Сүнән»: «он дирһамнан кем мәһр болмайды» хадис. 10 дирһам күміс дегеніміз шамамен 30-35 грамм күміске тең. Бұл - ең азы. Ал көбінің шегі жоқ, дегенмен, Пайғамбарымыздың (с.а.у.) «Әйелдердің ең хайырлысы – мәһрі ең жеңіл болғаны» - деген хадисін де орай кеп тұрғанда айта кетпеуге болмас. (Табарани: әл-Муъжәмуль Кәбир»).
