Әлхәмдулилләһ. Уассәләту уәссәләму аля Расулилләһ.

Егер, аяқта жара болып, мәсі кисе, одан соң бірнеше намаз оқып, артынан мәсіні шешкен кезде жараның беті ашылып кеткенін және қан аққанын байқаса, мәсінің үкімі бұзылады. Және де жарақаттың қашан қанағанын білмейтіндіктен, Ханафи ғалымдарынан Шейх Имам Әбу Бәкір Мұхаммед ибн Фазлдың (рахимаһуллаһ) тоқтамынша:

• Егер жарақаттың беті құрғап тұрса, бұл жағдайда сол мәсі кигеннен былай оқыған намаздарын қайта оқу керек. Мысалы, таң намазынан кейін киіп, құптан намазынан соң шешді делік, ол кісі сол күнгі таң намазынан өзгесінің қазасын өтеуі тиіс.
• Ал егер (мысалы, құптаннан кейін шешкен кезде) жарақаттың бетінен қан ағып тұрса, оқыған намаздары саналады, қайта оқымайды¹. 

¹  «әл-Фәтәуә әл-Һиндия»; Махмұд ибн Ахмәд ибн Мәзәһ: «әл-Мұхитуль Бұрһәни». 1\182 бет.