Алдымен айта кету керек татуаж жасауды дініміз құптамайды. Татуаж да «татуировканың» бір түрі, оны да ине арқылы терінің астына белгілі бояуларды енгізу арқылы жүзеге асыратындықтан исламда харам болып саналатын татуировкаға ұқсас. Мұхаммед пайғамбарымыз (с.а.у.) денені инемен тесіп сурет салудан тыйған¹.

Ал енді татуажы бар кісілердің алған дәреттері мен ғұсылдары жарамды ма? Татуаж жасау терінің астына 1 мм тереңдікке бояу енгізу болғандықтан, оның дәретке зияны жоқ. Дәрет пен ғұсылдың шарты - терінің астына емес, терінің үстіне судың тиюі. Сондықтан да, алынған дәрет пен ғұсыл дұрыс болып есептеледі.

Ең дұрысы - Аллаға мәлім!

¹Сахих Муслим, «Китабул Либәс» – 3666.